Hududlarda yoshlarni innavatsion, texnologik, ilmiy va startap loyihalarini izlab topish, ularning loyihalarini takomillashtirish hamda tijoratlashtirish ko‘nikmalarini shakllantirish uchun Innavatsion rivojlanish vazirligi huzuridagi Innovatsiyalarni joriy qilish ofisi hamda Jizzax davlat pedagogika instituti hamkorligida  “Hududiy Innavatsion g‘oyalar”  ko‘rgazmasi hamda “Texnoways”  texnologik rivojlanish marafoni tashkil etildi. 13-16 oktabr kunlari o‘tkazilishi rejalashtirilgan ushbu marafonnigng ilk kuni barcha ishtirokchilarda katta qiziqish uyg‘otdi. Jizzax viloyatidagi 3 ta-Jizzax davlat pedagogika instituti, Jizzax politexnika instituti, O‘zbekiston Milliy universiteti Jizzax filiali talabalari ishtirokida bo‘lib o‘tgan tadbirda har bir OTM dan 1 ta jamoa   1 tadan loyiha bilan ishtirok etmoqda. Marafonda o‘zining novatorlik ishlanmalari bilan ishtirok etayotgan ishtirokchilar 2 ta “Eng yaxshi dasturiy ta’minot”,  “Eng yaxshi texnologik yechim” yo‘nalishida ishtirok etishadi.

Tadbirining ochilish marosimda so‘zga chiqqanlar ”Texnoways”  texnologik rivojlanish marafoni hududlarda bosqichma-bosqich o‘tkazilayotgani, ushbu loyiha yoshlarni har tomonlama qo‘llab quvvatlashga, turli loyihalarni tijoratlashtirish darajasiga olib chiqishga, o‘z navbatida amaliyotga joriy etishga qaratilgani xususida to‘xtalib o‘tishdi. Uch kun davomida bo‘lib o‘tadigan ”Texnoways”  texnologik rivojlanish marafoni Jizzaxlik bilimdon, faol yoshlarni o‘z g‘oyalari ostida birlashtiradi.