Konferensiyada sport klubining amalga oshirgan ishlari, erishilgan natijalari hamda kelgusidagi vazifalari muhokama qilinib, klub raisi o‘rinbosari Hoshim Komilovning hisoboti tinglandi.
Shuningdek, universitetda 52-yil davomida samarali faoliyat yuritgan Hoshim Komilovning mehnatlari alohida e’tirof etildi. Universitet kasaba uyushmasi qo‘mitasi tomonidan esdalik sovg‘alari topshirildi. Universitet rektori Maqsudjon Yuldashev jamoa nomidan tashakkurnoma bildirilib, uning universitet va sport sohasidagi ko‘p yillik faoliyati hamda erishilgan yutuqlariga yuksak baho berildi.
Konferensiya ishtirokchilari tomonidan Jizzax davlat pedagogika universiteti «Pedagog» talaba sport klubi raisi etib universitet rektori Yuldashev Maqsudjon Abdullayevich, rais o‘rinbosari etib esa Rajabov Dilmurod Elmurodovich saylandi. Yig‘ilish davomida sport klubining ishchi guruhi tarkibi, sport klubining nazorat-taftish komissiyasi raisi va a’zolari saylandi, fakultetlardagi «Pedagog» talaba sport klubining boshlang‘ich tashkilotlari raislari saylanib, tasdiqlandi.
Konferensiya yakunida talaba yoshlarni sportga keng jalb etish, ularning bo‘sh vaqtlarini mazmunli tashkil etish va sport klubi faoliyatini yanada rivojlantirish bo‘yicha ustuvor vazifalar belgilab olindi.
