Bugun Jizzax davlat pedagogika universiteti rektori hamda Filologiya fanlari pedagogika oliy maktabining O‘zbek tili va adabiyoti yo‘nalishi hamda Jismoniy tarbiya va sport fakulteti jamoalari bilan navbatdagi uchrashuvlar bo‘lib o‘tdi.

Uchrashuvda rektor tomonidan universitet faoliyatining muhim yo‘nalishlari, xususan, ta’lim sifatini oshirish, ilmiy salohiyatni yuksaltirish, professor-o‘qituvchilarning kasbiy rivojini qo‘llab-quvvatlash, zamonaviy pedagogik yondashuvlarni keng joriy etish hamda xalqaro hamkorlik va reytinglardagi natijalarni yaxshilash masalalariga alohida e’tibor qaratildi.

Shuningdek, har bir jamoaning universitet taraqqiyotidagi o‘rni va mas’uliyatini kuchaytirish, mavjud imkoniyatlardan samarali foydalanish hamda yangi o‘quv yilini aniq maqsad va yuqori natijalar bilan boshlash zarurligi ta’kidlandi.

18–22-avgust kunlari o‘tkazilgan uchrashuvlar yakunida universitet jamoalari oldidagi ustuvor vazifalar yanada aniqlashtirilib, ta’lim va ilm-fan sifatini yangi bosqichga olib chiqish bo‘yicha muhim yo‘nalishlar belgilab olindi.