JDPUning 50 ga yaqin talaba-yoshlari, tyutorlari, xotin-qizlar masalalari bo‘yicha mas’ullar, profilaktika inspektorlari hamda psixologlar ishtirokida Jizzax shahridagi 29-sonli manzil-koloniyasida bo‘lishdi.
Tashrif davomida ishtirokchilar muassasadagi sharoitlar va mahkumlarning mehnat faoliyati bilan tanishdi. Shuningdek, mahkumlar bilan ochiq muloqot o‘tkazilib, giyohvandlik va huquqbuzarliklarning salbiy oqibatlari muhokama qilindi.
Suhbatda psixologlar hamda profilaktika inspektorlari o‘z fikr-mulohazalarini bildirib, yoshlarni qonunlarga rioya qilishga, sog‘lom turmush tarziga amal qilishga va huquqbuzarliklardan yiroq bo‘lishga chaqirdi.
Tadbir yoshlarning huquqiy madaniyatini yuksaltirish, jinoyatchilikning oldini olish va ijtimoiy mas’uliyatini oshirishga qaratildi.
