Jizzax davlat pedagogika universitetida “Yoshlar kuni” doirasida Innovatsion rivojlanish agentligi vakillari ishtirokida uchrashuv o‘tkazildi.

Unda Agentlikning tegishli boshqarma boshlig‘i, texnika fanlari doktori (DSc) Berdiyev Sanjar Allanazarovich, oliy ta’lim muassasalari rahbariyati, Agentlik hududiy bo‘linmalari mutaxassislari hamda Jizzax yoshlar texnoparki direktori qatnashdi.

Muloqotda yoshlarning ilmiy izlanishlari va innovatsion g‘oyalarini qo‘llab-quvvatlash, startap loyihalarni amalga oshirish hamda mavjud imkoniyatlardan samarali foydalanish masalalari muhokama qilindi.

Shuningdek, “Akademik harakatchanlik”, “Bo‘lajak olim”, “Kelajak startaplari”, “Olima ayollar” dasturlari va xorijiy ilmiy stajirovkalar, ularda ishtirok etish talablari hamda tanlov imkoniyatlari haqida ma’lumot berildi. Uchrashuv yakunida yoshlar o‘zlarini qiziqtirgan savollarga mutaxassislardan javob va tavsiyalar oldilar.