Jizzax davlat pedagogika universitetida Janubiy Koreyaning Sejong universiteti vakillari bilan navbatdagi uchrashuv bo‘lib o‘tdi.Muzokaralarda sun’iy intellekt va Data Science yo‘nalishlarida 2+2 shaklidagi qo‘shma ta’lim dasturini yo‘lga qo‘yish bo‘yicha amaliy masalalar batafsil muhokama qilindi. Xususan, o‘quv rejalari va sillabuslarni muvofiqlashtirish, talabalarni saralash va Sejong universitetiga transfer qilish talablari, kontrakt to‘lovlari va stipendiyalar masalalariga alohida e’tibor qaratildi.
Dastur doirasida qabul jarayonlarini tashkil etish, ta’lim jarayonlarini yo‘lga qo‘yish kabi tashkiliy masalalar ko‘rib chiqildi.
Shuningdek, TOSC (Test of Software Coding) sertifikatlash imtihonini JDPUda tashkil etish bo‘yicha kelishuvga erishildi.
