Jizzax davlat pedagogika institutida bo‘lib o‘tgan tadbir ana shunday nomlandi.
Butun insoniyat ikkinchi jahon urushida qatnashgan, ayovsiz jangu jadalda qahramonlarcha halok bo‘lganlar xotirasini aslo unutmaydi. Ikkinchi jahon urushida halok bo‘lgan minglab yurtdoshlarimiz xotirasini yod etish, urush maydonidan omon qaytgan bobolarimizga, og‘ir kunlarni sabr – bardosh bilan yenggan, mashaqqatli daqiqalarda yurtini, xalqini unutmagan, bir qarich yerini dushmanga ravo ko‘rmagan yoshi ulug‘ yurtdoshlarimizga hurmat, ehtirom ko‘rsatish ham g‘urur,ham faxr beradi.
Jizzax davlat pedagogika instituti Musiqiy ta’lim fakulteti talabalari tomonidan tayyorlangan “Inson muqaddas-xotira mangu” nomli teatrlashtirilgan konsert dasturida g‘alabaga munosib hissa qo‘shgan o‘zbek halqining buyuk jasorati metin irodali qahramonlarning mardona kurashi sahnaviy ko‘rinishlar orqali namoyish etildi.
Natsizm ustidan qozonilgan g‘alabaga 1 million 500 mingdan ziyod O‘zbekistonliklar o‘z hissasini qo‘shganihech kimga sir emas. Frontga safarbar etilgani o‘zbeklarning urush yillarida ko‘rsatgan jasorati, insoniylik va bag‘rikenglikning chinakam namunasi desak mubolag‘a qilmagan bo‘lamiz.
1941 – 1945 yillardagi Ikkinchi Jahon urushi vaqtida o‘zbek oilalari dinidan millatidan qat’iy nazar, minglab yetim bolalarni asrab oldi.Talabalar tomonidan tayyorlangan badiiy kompozitsiyalarda dahshatli urushda insoniyatga og‘ir yo‘qotish va talafotlar yetkazishi, yosh bolalarr va qariyalarning azob-uqubatlarni boshidan kechirgani sahnaviy ko‘rinishlar orqali mohirona ijro etildi.
