O‘zbekiston Respublikasi Mustaqilligining 27 yilligi munosabati bilan institut rektorining oligoh professor-o‘qituvchiliri hamda talaba-yoshlari va xodimlariga
BAYRAM TABRIGI
Assalomu alaykum qadrli ustozlar, professor – o‘qituvchilar, aziz talabalar!
Ayni kunlarda “Aziz va yagonamsan, jonajon O‘zbekistonim” shiori ostida mamlakaktimizning turli go‘sha, maskanlari va hayotimizning barcha jabhalarida mustaqilligimizning 27 yillik shodiyonasi katta ko‘tarinkilik, alohida tadorik bilan nishonlanmoqda. Shu bilan bir qatorda bugun 5 sentabr mamlakatimizning barcha oliy ta’lim muassasalarida yangi o‘quv yili boshlandi.
Shu fursatdan foydalanib, Siz aziz va fidoiy ustoz va murabbiylar, professor – o‘qituvchilarni, qiz va yigit talabalarimizni Vatanimiz mustaqilligining 27 yillik shodiyonasi va yangi o‘quv yili bilan samimiy muborakbod etishdan baxtiyorman!
Bugun shiddat bilan rivojlanib borayotgan globallashuv jarayonlari va mamlakatimiz hayotida amalga oshirilayotgan keng ko‘lamdagi demokratik islohotlar, ayniqsa ta’lim-tarbiya tizimidagi sezilarli o‘zgarish va yangilanishlar o‘quvchilar qalbining muhandislari bo‘lgan -o‘qituvchi va ustoz – murabbiylarning oldiga yangicha fikrlash, davr hamohangligi asosida ishlash, sohaga ilg‘or zamonaviy pedagogik texnologiyalarni joriy qilish, yosh avlodni haqiqiy vatanparvar, istiqlol g‘oyalari ruhida komil inson qilib yetishtirish, bobokolonimiz Abdulla Avloniy aytganlaridek, yo hayot, yo mamot masalasi sifatida ma’suliyatli vazifalarni qo‘ymoqda.
Ayniqsa, bu yilgi davlat test sinov jarayonlaridagi halollik, shaffoflik va adolat mezonlari asosida hamda keng jamoatchilik, ota – onalar, huquqni muhofaza qiluvchi organlar ishtirokida bo‘lib o‘tganligi har tomonlama o‘zining halqchilligi, halqimizning roziligi yo‘lida tashlangan muhim tarixiy qadam bo‘ldi desam, mubolag‘a bo‘lmaydi.
Muhtaram Prezidentmiz Sh. Mirziyov rahbarligida uzoq va bugunimizni ko‘zdab amalga oshirilayotgan demokratik islohotlar, qabul qilinayotgan ko‘plab farmon va qarorlar, yaratilayotgan shart sharoitlar, ayniqsa, davlat va jamiyat hayotida o‘qituvchi pedagoglarning nufuzini oshirish, o‘qituvchi va pedogog xodimlarni moddiy rag‘batlantirish, qo‘llab quvvatlash dunyo tarix silsilasida bugun noyob hodisa sifatida tahsinga sazovordir. Shu ma’noda, Jizzax davlat pedagogika instituti hayotida ham bu kabi o‘zgarish va yangilanishlar xususida to‘xtalib o‘tsam ayni muddao bo‘lar edi.
Institutimizda joriy yilda to‘liq kapital rekonsruksiya ta’mirlash ishlari olib borilib, har tomonlama qulay, dunyo standart talablariga javob beradigan, zamonaviy texnologiya va mebel, jihozlar bilan yangidan bunyod etilishi ham ko‘plab yurtdoshlarimizni, ayniqsa professor-o‘qituvchilar, pedagog xodimlarimiz ko‘zini quvontirmoqda. Bugunga kelib, institutimizda 16 nafar fan doktorlari, 106 nafar fan domzodlari, 24 ta ta’lim yo‘nalishi kafedralari, 9 ta fakultet faoliyat ko‘rsatib kelmoqda. Institutimiz Buyuk Britaniyaning Norvij universiteti, Sankt Peterburg, Moskva davlat pedagogiga instituti, Boshqirdiston davlat pedagogika instituti, Rossiya davlat yadro fizikasi instituti bilan yaqin hamkorlik munosabatlarini yo‘lga qo‘ydi. Ikki tomonlama shartnomalar imzolandi. Endilikda institutimiz talabalari o‘qishni mazkur oliygohlarda ham davom ettirishlari mumkin bo‘ldi. Albatta bu biz uchun quvonarli holdir.
Shuningdek, har yilgi xukumatimiz tomonidan ajratilayotgan ta’lim kvotalari xususida fikr yuritadigan bo‘lsam, kechki, va maxsus sirtqi bo‘limlarga qabul yildan yilga oshib bormoqda.
Qadrli Ustozlar, institutimiz ahil jamoasi va talaba o‘g‘il qizlarim!
Sizlarni yana bir bor eng ulug‘, eng aziz bayram bilan tabriklab, barchangizga mustahkam sog‘lik, omonlik, faoliyatingizga rivoj va ravnaq tilab qolaman.
Mustaqillik bayrami va yangi o‘quv yilingiz muborak bo‘lsin!Abdug‘ani Xolbekov,
Jizzax davlat pedagogika instituti rektori.
