2020 yil 26 noyabr kuni Jizzax davlat pedagogika instituti hamda Buyuk Britaniyaning Portsmud universiteti o‘rtasida hamkorlik aloqalarini o‘rnatish, ikkala OTMar o‘rtasida o‘zaro tajriba almashish, istiqbolli hamkorlikni rivojlantirish masalalirga bag‘ishlangan memorandum imzolash marosimi ZOOM platformasi orqali onlayn tarzda bo‘lib o‘tdi.
Memorandum Jizzax davlat pedagoigka instituti rektori Sh.S. Sharipov va Buyuk Britaniya Portsmut universiteti prorektori Chris Chang larining tanishuv muloqotlari bilan boshlandi. Unda tomonlar o‘z oliygohlari haqida ma’lumot berish bilan birgalikda ushbu memorandumning imzolanishi har ikkala tomon uchun, xususan talabalar uchun zarur ekanligini ta’kidlab o‘tishdi.
Memorandumda ikki davlat oliy ta’lim muassasalari o‘rtasida to‘g‘ridan-to‘g‘ri aloqalarni o‘rnatish va rivojlantirish, o‘quv materiallari almashinuvi, qo‘shma tadqiqot ishlarini targ‘ib qilish va tomonlarning ishtirokida nashr etilgan ilmiy jurnallarda maqolalarni nashr etish kabi yo‘nalishlar ikki tomonlama hamkorlikning asosiy yo‘nalishlari etib belgilandi. Shuningdek ushbu memorandum orqali JDPI professor-o‘qituvchilarning Portsmud universiteti kutubxonasidan, elektron resurs markazidan foydalanishgga ruxsat berish, professor o‘qituvchilarning Portsmud universitetida malaka oshirish kurslariga jo‘natish, kredit-modul tizimida o‘quv rejalarini, o‘quv dasturlarini, magistratura qo‘shma dasturlarini muhokama qilish, konferensiya va seminarlarda ishtirok etish kabi takliflar bandma band ko‘rib chiqildi va har ikki OTM vakillari tomonidan ma’qullanib memorandum imzolandi.
