Vengriya hukumati o‘zining “Stipendium Hugaricum” ta’lim grantlari dasturi doirasida ushbu mamlakat OTMlarida o‘qish uchun 2023/2024-o‘quv yilidan boshlab O‘zbekiston uchun ta’lim grantlari soni 100 tadan 170 taga ko‘paytirilganini ma’lum qiladi.
Ushbu kvota turli ta’lim sohalari va ta’lim bosqichlari kesimida quyidagicha taqsimlangan:
– bakalavriat ta’lim yo‘nalishlari uchun har yili ko‘pi bilan 20 ta (yigirma) stipendiya ajratiladi;
– magistratura mutaxassisliklari uchun har yili ko‘pi bilan 60 ta (oltmish) stipendiya ajratiladi;
– bakalavriat bilan bo‘linmas bir bosqichli magistratura (besh/olti yillik uzluksiz oliy ta’lim – “OTM – one-tier master”) mutaxassisliklari uchun har yili ko‘pi bilan 10 ta (o‘n) stipendiya ajratiladi;
– istalgan soha bo‘yicha to‘liq doktorantura PhD dasturlari uchun ko‘pi bilan 60 ta (oltmish) stipendiya ajratiladi;
– Jismoniy tarbiya universiteti (Vengriyada) tomonidan taklif etiladigan aynan sport sohasidagi ta’lim dasturlarida o‘qish uchun ko‘pi bilan 20 ta (yigirma) stipendiya ajratiladi.
Hujjatlar onlayn tartibda 2023-yil 16-yanvar soat 14.00ga qadar (Markaziy Yevropa vaqti bilan) qabul qilinadi.
Shuningdek, muhandislik-texnika, tibbiyot, farmatsevtika, biotexnologiya, kimyo, geologiya, fizika, axborot texnologiyalari, sunʼiy intellekt, energetika, muqobil energiya manbalari va boshqa shu kabi yoʻnalishlarga hujjat topshirganlarga ustuvorlik beriladi.
Batafsil ma’lumot – stipendiumhungaricum.hu
“Arizalar qabuli to’g’risida e’lon” (“Call for Applications” – hujjatlarni topshirish tartibi) bilan tanishib chiqishingizni so’raymiz. Stipendium Hungaricum – https://stipendiumhungaricum.hu/apply/ veb-sayitida keltirilgan.
Barcha hujjatlarni onlayn formatda to’g’ridan-to’g’ri “Tempus Public Foundation” (Vengriya tomonidan ushbu stipendiya dasturining muvofiqlashtiruvchisi) ko’rsatgan platformaga yuborish kifoya
Xalqaro hamkorlik bo’limi!
Tel: +998912090766
