O‘zbekiston xalq yozuvchisi, O‘zbekistonda xizmat ko‘rsatgan yoshlar murabbiysi, tarjimon va olim Muhammad Ali tabarruk 80 yoshga to‘ldi.

Sana munosabati bilan Jizzax davlat pedagogika institutida yozuvchi bilan uchrashuv, ijodiy kecha tashkil etildi. Kechani O‘zbekiston Yozuvchilar uyushmasi  Jizzax viloyati bo‘limi rahbari M.  Abdurahmonova ochib berdi. U o‘z so‘zida ustozni  ushbu ayyom bilan qutladi, yozuvchiga sog‘lik-omonlik, ijodiy bardavomlik tiladi. Shundan so‘ng Jizzax dalvat pedagogika instituti o‘quv ishlari bo‘yicha prorektor B.To‘xtamishev yozuvchi Muhammad Ali Ahmedovga jamoa nomidan  ijodiy barkamollik va uzoq yillar o‘quvchilarni yangi va mazmunli  asarlari bilan xushnud etishini tiladi. Kecha davomida yozuvchi Muhammad Ali Ahmedovga institut kasaba uyushmalari bo‘limi tomonidan  zarbof to‘n kiydirildi.   Ma’lumot uchun: O‘zbekiston xalq yozuvchisi Muhammad Ali «Mehnat shuhrati» (1999), «El-yurt hurmati» (2014) ordenlari bilan mukofotlangan. «Ulug‘ saltanat» tarixiy roman-dilogiyasi uchun O‘zbekiston Respublikasi Davlat mukofotiga sazovor bo‘lgan (2007). «O‘zbekiston xalq yozuvchisi» (1992), «O‘zbekiston Respublikasida xizmat ko‘rsatgan yoshlar murabbiysi» (2021) faxriy unvonlari bilan taqdirlangan.