Joriy yilning 16 oktyabr kuni Jizzax davlat pedagogika instituti axborot-resurs markazi xodimlari Paxtakor tumani 4 va 9 – umumiy o‘rta ta’lim maktablarida targ‘ibot tadbirlarida bo‘ldilar. Targ‘ibot tadbirida Tabiiy fanlar fakulteti dekani U. Xudanov, o‘qituvchilar D. Imomova, S. Shaymatovlar zamonaviy ta’lim texnologiyalarini joriy etish to‘g‘risida o‘z fikr va mulohazalarini bayon etdilar.
Shundan so‘ng, ARM xodimlaridan Sh. Isroilova, D. Jabbarova, N.Umarovalar “Yangi adabiyotlar sizlar uchun” mavzusidagi adabiyotlarni tadbir qatnashchilariga sharhlab berdilar hamda institut axborot-resurs markazi bilan yaqindan hamkorlik qilishni tavsiya etdilar.
