Jizzax davlat pedagogika universitetida «Dynamical Days Jizzakh 2026» xalqaro yozgi maktabi doirasida dinamik sistemalar, ergodik nazariya va matematik fizikaning zamonaviy yo‘nalishlariga bag‘ishlangan ma’ruza va amaliy mashg‘ulotlar davom etmoqda.

Mashg‘ulotlarda Loughborough University professori Wael Bahsoun tomonidan dinamik sistemalar, xaotik va regulyar dinamika, shuningdek, transfer operatorlarining xaotik dinamik sistemalarning statistik xususiyatlarini o‘rganishdagi qo‘llanilishi yoritildi.

University of Rome Tor Vergata professori Carlangelo Liverani ma’ruzalarida dinamik sistemalarning fizik masalalarga tatbiqi, Fon Neymanning ergodik teoremasi hamda ergodik o‘rtachalarning yaqinlashish tezligi kabi fundamental masalalar tahlil qilindi.