“SAMBHRAM UNIVERSITY” ЖИЗЗАХ ФИЛИАЛИ БИЛАН ҲАМКОРЛИК АЛОҚАЛАРИ – Abdulla Qodiriy nomidagi Jizzax davlat pedagogika universiteti

Bosh sahifa
Yangiliklar
“SAMBHRAM UNIVERSITY” ЖИЗЗАХ ФИЛИАЛИ БИЛАН ҲАМКОРЛИК АЛОҚАЛАРИ

Yangiliklar

04/03/2022

Chop etish

“SAMBHRAM UNIVERSITY” ЖИЗЗАХ ФИЛИАЛИ БИЛАН ҲАМКОРЛИК АЛОҚАЛАРИ

Жиззах давлат педагогика институти хорижий тажрибани ўрганиш масаласи бўйича кўплаб хорижий мамлакатларнинг нуфузли университетлари фаолиятини ўргана бошлаган. Олийгоҳ айни кунгача жуда кўплаб хорижий ОТМ лар билан мустаҳкам алоқаларни ўрнатишга эришди.

Жумладан, ЖИЗЗАХ ДАВЛАТ ПЕДАГОГИКА ИНСТИТУТИ ҳамда “SAMBHRAM UNIVERSITY” Жиззах филиали билан тузилган ҳамкорлик шартномаси навбатдаги муваффақиятли келишув десак муболаға қилмаган бўламиз.

SAMBHRAM университети Жиззах филиали ректори Сирожиддин Товбоев бошчилигидаги вакилларни ЖДПИ вакиллари кутиб олишди. Тадбир аввалида дастлаб томонлар танишуви билан бошланди. Жиззах давлат педагогика институти ректори Ш.С.Шарипов институт илмий фаолияти, ўқув жараёни, талабаларга яратилган шароитлар ҳақида сўз юритди. SAMBHRAM университети Жиззах филиали ректори С.О.Товбоев университет таркиби, таълимда IT кўникмаларини эгаллашнинг роли ва бу борада қўлланилаётган технологиялар ҳақида маълумот бериб ўтди.

Томонлар ўзаро ҳамкорликнинг келгусидаги режаларини муҳокама қилишди. Жумладан, ЖДПИ томондан Илмий ишлар ва инновациялар бўйича проректор Ғ. Қодиров, Чет тиллар факультети декани А.Маматов, кафедра мудирлари келгусидаги ҳамкорлик режалари ва таклифларини билдиришди. Худди шунингдек, SAMBHRAM университети Жиззах филиали вакиллари ҳам истиқболли режалари ва таклифларини айтиб ўтишди. Ўзаро мулоқот жараёнида икки олий ўқув юрти ўртасида талаба ва профессор-ўқитувчилар алмашуви, SAMBHRAM университети Жиззах филиалидаги тажрибали профессор-ўқитувчиларнинг маърузаларини, дарсларини ташкил этиш, қўшма таълим дастурлари, илмий изланишлар олиб бораётган ёш олимларнинг ҳамкорликда илмий-тадқиқот олиб боришлари борасида бир қатор таклифлар ўртага ташланди. Учрашув сўнгида Ахборот технологиялари, Хорижий тиллар соҳаларида ўзаро алоқаларни кенгайтириш, амалга оширилган ишларни сарҳисоб қилиш, икки Олий таълим муассасалари ўртасидаги ҳамкорликни янги босқичга кўтариш, шу билан бирга, таклиф ва мулоҳазларни ўрганиб ҳар бир йўналиш билан алоҳида ҳамкорлик ташкил этишга келишиб олинди.

Сўнгра Ш.С.Шарипов ва С.Товбоев ўзаро ҳамкорлик ҳақидаги Меморандумни имзоладилар. Тадбир сўнгида томонлар ўзаро бир бирларига эсдалик совғаларини топширди ва институтдаги шароитлар билан таништирди.

Boshqa rubrikalarda mashhur

Barcha Rubrikalar

JDPU talabalari Qoraqalpog‘istonga jo‘nab ketdi

Jizzax davlat pedagogika universiteti talabalaridan iborat delegatsiya 12–14-may kunlari Qoraqalpog‘iston Respublikasida o‘tkaziladigan ma’naviy-ma’rifiy tadbirlarda ishtirok etish uchun yo‘lga chiqdi.

JDPU профессор-ўқитувчилари Malayziyada malaka oshirish jarayonida

Jizzax davlat pedagogika universitetining 22 nafar professor-o‘qituvchisi Malayziyaning Utara Universitetida malaka oshirish kurslarida o‘quv mashg‘ulotlarini boshladi.

“Stressga harakat bilan javob ber, fikringni ozod qil!”: Talabalar o‘rtasida ommaviy psixologik aksiya o‘tkazildi

Aprel va may oylarining “Sport va sog‘lomlashtirish oyligi” deb e’lon qilingani munosabati bilan Pedagogika-psixologiya va inklyuziv ta’lim fakultetining “Volontyor psixolog” talabalar jamoasi tomonidan talaba-yoshlar uchun...