Jizzax davlat pedagogika universiteti Madaniyat saroyida 18–29 yoshli talabalar o‘rtasida o‘tkazilgan sport sinovlarida yuqori natijalarga erishgan yoshlarni taqdirlash marosimi bo‘lib o‘tdi.
Unda viloyatdagi oliy ta’lim muassasalari talabalari orasidan maxsus va ixtiyoriy toifalar bo‘yicha g‘olib va sovrindor deb topilgan 50 nafardan ziyod yoshlar I, II, III darajali “Jismoniy tayyorgarlik darajasi” ko‘krak nishoni, guvohnoma hamda sport formalari bilan taqdirlandi.
Quvonarlisi, mazkur sinovlarda Jizzax davlat pedagogika universiteti talabalari ham munosib ishtirok etib, yuqori natijalarni qayd etdi.
