Nukus davlat pedagogika instituti delegatsiyasi dastlab universitetning zamonaviy infratuzilmasi, ilmiy laboratoriyalari, Registrator ofisi, Axborot-resurs markazi, muzeyi va sport inshootlari faoliyati bilan tanishdilar.

Tashrif doirasida talabalar o‘rtasida “Ice Breaking” (muz yorish) uchrashuvi o‘tkazilib, o‘zaro muloqot va do‘stlik aloqalari mustahkamlandi. Shuningdek, ikki oliy ta’lim muassasasi Yoshlar ittifoqi yetakchilari o‘rtasida hamkorlik memorandumi imzolandi.

Dastur davomida “Zakovat” intellektual turniri tashkil etilib, g‘olib va faol ishtirokchilar taqdirlandi. Tadbir universitet ijodkorlari ishtirokidagi konsert dasturi bilan davom etdi.

Kun yakunida mehmonlar 34-sonli umumta’lim maktabida bo‘lib, o‘quvchilar, mahalla yoshlari va aholi uchun tayyorlangan madaniy-konsert dasturini namoyish etdilar.

Mazmunli va samimiy ruhda o‘tgan tashrif ikki oliy ta’lim muassasasi o‘rtasidagi hamkorlik va do‘stlik aloqalarini yanada mustahkamlashga xizmat qildi.