Yig‘ilishda qabul jarayonlarini amaldagi me’yoriy-huquqiy hujjatlar asosida tashkil etish, abituriyentlar va ularning ota-onalariga qulay shart-sharoitlar yaratish, murojaatlarga tezkor va xolis munosabatda bo‘lish masalalari atroflicha muhokama qilindi.

Shuningdek, qabul komissiyasi a’zolarining vazifa va mas’uliyatlari yana bir bor belgilab berildi. Har bir mas’ul xodimga o‘z faoliyatini yuksak mas’uliyat, ochiqlik va shaffoflik tamoyillari asosida tashkil etish, qabul jarayonlarida korrupsiyaviy holatlarning oldini olish hamda xizmat intizomiga qat’iy rioya qilish bo‘yicha tegishli ko‘rsatmalar berildi.

Yig‘ilish davomida qabul kampaniyasiga oid targ‘ibot-tushuntirish ishlarini kuchaytirish, aholi va yoshlarga qabul shartlari hamda yaratilgan imkoniyatlar haqida tezkor va ishonchli ma’lumot yetkazish masalalariga ham alohida e’tibor qaratildi.