“Quvnoqlar va Zukkolar” tanloviining institut final bosqichida 4 ta jamoa  Pedagogika psixologiya fakultetining “Yoshlar”, Maktabgacha ta’lim fakultetining “Shaddod qizlar”, Jismoniy madaniyat fakultetining “Fizvos”, Fizika texnologik ta’lim fakultetining “Bo‘ydoqlar” jamoalari o‘zaro kuch sinashdilar. Jamiyatdagi og‘riqli nuqtalar, talaba yoshlar bilan bog‘liq muammoli vaziyatlarni yumorga boy sahnaviy ko‘rinishlar orqali ijro etishga harakat qilgan jamoalar g‘oliblik uchun astoyidil kurashishdi. Hakamlar haya’tining qaroriga ko‘ra Jismoniy madaniyat fakultetining “Fizvos” jamoasi g‘oliblikni qo‘lga kiritdi. Pedagogika psixologiya fakultetining “Yoshlar” jamoasi 2 o‘rinni egallagan bo‘lsa, Maktagacha ta’lim fakultetining “Shaddod qizlar” i 3 o‘ringa munosib deb topildi. Tanlov so‘ngida g‘oliblarga diplom va esdalik sovg‘alari topshirildi.
Ma’lumot uchun: Institut ma’muriyati qaroriga ko‘ra  g‘olib jamoaga  3 mln , 2 o‘rin sohiblariga 2 mln, 3 o‘rinni olgan jamoaga esa 1 mln  so‘m pul mukofoti  topshirish ko‘zda tutilgan.