Jizzax davlat pedagogika universiteti rektori M.Yuldashev boshchiligidagi delegatsiyaning Amerika Qo‘shma Shtatlariga amalga oshirayotgan xizmat safari doirasida Georgia shtatining Savannah shahrida joylashgan Georgia Southern Universityda GATESOL Prezidenti Dr Alisa Leckie bilan rasmiy uchrashuv va muzokaralar bo‘lib o‘tdi.
Muzokaralarning muhim yakuni sifatida Jizzax davlat pedagogika universiteti va GATESOL (Georgia Teachers of English to Speakers of Other Languages) o‘rtasida o‘zaro hamkorlik to‘g‘risidagi memorandum imzolandi.
Jizzax davlat pedagogika universiteti rektori boshchiligidagi delegatsiyaning Amerika Qo‘shma Shtatlariga tashrifi doirasida Georgia shtatining Statesboro shahrida joylashgan Georgia Southern University rahbariyati hamda Global Engagement bo‘limi vakillari bilan rasmiy uchrashuv bo‘lib o‘tdi.
Uchrashuvda universitetlar o‘rtasida ta’lim, ilmiy tadqiqotlar va innovatsiyalar sohasidagi hamkorlikni rivojlantirish, qo‘shma ilmiy loyihalar va grant dasturlarida ishtirok etish, xalqaro ta’lim dasturlarini kengaytirish masalalari yuzasidan fikr almashildi.
