Tadbirda institut Xotin-qizlar qo‘mitasi raisi Z.Abduvalieva, Jizzax shaxar IIB ning xotin-qizlar masalasi bo‘yicha katta inspektori Nodira Rizqulova, voyaga yetmaganlar masalalari bo‘yicha inspektor, katta leytenant Dilnoza Jumanova,  Fakul’tet dekani X.Omonov kafedra mudiri N.Xasanovalar va talaba yoshlar ishtirok etishdi.   Davra suhbatini Musiqa madaniyati fakulteti dekani X.Omonov  o‘zining kirish so‘zi bilan ochib berdi. Tadbirda, Ekstremizm va terrorizm hamda zo‘ravonlikka  qarshi kurashishning ma’naviy-ma’rifiy asoslari ishtirokchi ma’ruzachilar tomonidan atroflicha yoritib berildi.

Ma’lumki, ekstremizm va terrorizm eng xatarli hamda oqibati eng xunuk jinoyat xisoblanib, butun dunyoda tinchlik, xavfsizlik va barqarorlikka xavf soluvchi tahdiddir. Bu mudhish qilmishlar yovuz niyatli kimsalar tomonidan dunyoning xohlagan mintaqasi, mamlakati, hududida turib, turli shakl va usullarda amalga oshirilishi mumkin.

Davra suhbati ishtirokchilari tomonidan ekstremizm va terrorizm  hamda zo‘ravonlikka qarshi kurashda yoshlarning mafkuraviy immunitetini kuchaytirishga qaratilgan ma’naviy-ma’rifiy tarbiya muammolari, globallashuv sharoitida ta’lim-tarbiya tizimi orqali yoshlarning  qat’iy fuqarolik pozitsiyasini, ularning ongida zo‘ravonlik va yot g‘oyalarga murosasizlikni shakllantirish, ekstremizm va terrorizm umumiy profilaktikasi, ekstremizm va terrorizmga qarshi kurashishda O‘zbekiston yondashuvlarining xalqaro-siyosiy ahamiyati va boshqa dolzarb masalalar muhokama qilindi.