E’lon!!!

O‘zbekistonning Tokiodagi Elchixonasining ma’lumotiga ko‘ra, diplomatik vakolatxona tomonidan Nagasaki universiteti bilan O‘zbekiston talabalariga stipendiya ajratish masalasi bo‘yicha kelishuvga erishildi. Universitet dastlabki bosqichda Axborot va ma’lumotshunoslik fakulteti bakalavriatiga ikki nafar talabani qabul qilishini malum qiladi. Nomzodlarga qo‘yiladigan talablar – umumiy ta’lim muassalalari (10-11 sinf), litsey va kollej bitiruvchilari bo‘lishi hamda matematika, ingliz va yapon tillarini mukammal bilishi lozim (ularning bilim darajisini sinash uchun Nagasaki universitetining matematikadan kirish imtihonlar namunalariga havolalar ilovada yuborilmoqda). Universitet bakalavriat darajasidagi darslarning aksariyati yapon tilida o‘qitilishi sababli nomzodlardan yapon tilini JLPT N2darajasida bilishi talab etiladi (yapon tili bilim darajasi imtihonda tekshiriladi). Ma’lumot uchun: Xalqaro hamkorlik bo’limi Sh.Rashidov 91 209 07 66