Skip to main content

Ishonch telefoni: +(99872) 226 68 10

3+1 qo'shma ta'lim dasturi

Belarus davlat pedagogika universiteti bilan qo'shma ta'lim dasturiga marhamat!

Konstitutsiya asosiy qonunimiz!

8-dekabr — O‘zbekiston Respublikasi Konstitutsiyasi kuni

Yuksak vatanparvarlik tuyg‘usi aks etgan qasida!

10-dekabr — O‘zbekiston Respublikasi Davlat madhiyasi qabul qilingan kun

Yangi yil — yangi marralar sari imkoniyat!

Kirib kelayotgan yangi 2024-yilingiz muborak bo’lsin!

Xotira muqaddas – inson qadri aziz!

9-may — Xotira va qadrlash kuni

JDPU 50 yoshda!

Jizzax davlat pedagogika universitetining 50 yoshlik yubileyi muborak bo‘lsin!

“Dislaliyada Logoped sirlari” mavzusida  o’quv-amaliy seminar o‘tkazildi

A.Qodiriy nomidagi Jizzax Davlat Pedagogika Instituti Pedagogika va psixologiya fakulteti Maxsus pedagogika kafedrasi stajyor o’qituvchilari M.Yunusov va S.Axrorova hamda Defektologiya yo’nalishi talabalari tomonidan “Dislaliyada Logoped sirlari” mavzusida  o’quv-amaliy seminar o‘tkazildi. Seminarda  kafedra mudirlari, prof-o’qituvchilar va talabalar ishtirok etishdi. O’quv-amaliy seminarni Fakultet dekani dots. I.To’raqulova ochib berdi. U o‘z so‘zida Maxsus pedagogika kafedrasining barcha professor-o’qituvchilarni yaqinlashib kelayotgan 14-noyabr “Xalqaro Logopedlar kuni” kasb  bayramlari bilan tabrikladi. Shundan so’ng Maxsus pedagogika kafedrasining mudiri X.S.Akramova “Dislaliyada Logoped sirlari” mavzusida ma’ruza qildi. Dislaliya  bolaning normal eshitishi, ko‘rishi va nutq apparatining tuzilishi va faoliyati saqlangan holda tovush talaffuzining buzilishi hisoblanadi. Logoped  nutq kamchiligi bo’lgan bolalarni to‘g‘ri talaffuz qilishga, chiroyli, ravon, ifodali gapirishga o’rgatadigan, nutq kamchiliklarini bartaraf etadigan pedagogdir. Dislaliya nutq kamchiligini korreksiyalashda nafas va til mashqlari, mayda qo’l motorikasini rivojlantiradigan har xil didaktik o’yinlar, nutq terapiyasi hamda logopedik massaj yordam beradi. Shuni ta’kidlash kerakki, logoped korreksion-logopedik ish tizimini boshlagandan so‘ng bolalar bilan ota-onalari ham uyda birgalikda mustaqil ravishda shug‘ullanishi ham kerak, shunda natija samarali va tezroq bo‘ladi.   Seminarda Dislaliya va uni korreksiyalash haqida G.Jaloliddinova va A.Imanovalar o’zlarining taqdimotlari bilan ana shu mavzuni ochib berishga harakat qilishdi. Seminar so‘ngida Yoshlar bilan ishlash bo’yicha dekan o’rinbosari T. Haqqulov so’zga chiqib “Dislaliyada Logoped sirlari” mavzusida o’tkazilgan o’quv-amaliy seminarda faol ishtirok etganlarni Sertifikatlar bilan taqdirladi.