Jizzax davlat pedagogika universiteti o‘zbek tili va adabiyoti fakultetida atoqli adib Abdulla Qahhor tavalludining 115 yilligi va Abdulla Qahhor uy muzeyi tashkil topganligining 35 yilligi munosabati bilan “Abdulla Qahhor ijodining jahon adabiyotidagi o‘rni” mavzusida ilmiy-adabiy uchrashuv tashkil qilindi.
Uchrashuvga O‘zbekkino kinorejissori Marat Asatullayev, O‘zFA O‘TA folklori instituti katta ilmiy xodimi, f.f.d. Marhabo Qo‘chqorova, Moliya instituti dotsenti Nuriddin Ochilov, O‘zbekiston yozuvchilar uyushmasi viloyat bo‘limi rahbari Mehribon Abdurahmonovalar ishtirok etishdi.
Ijodkorning hayot yo‘llari va ijodiga bag‘ishlangan tadbir talaba yoshlar uchun mazmunli o‘tdi desak xato qilmagan bo‘lamiz. Adib hayoti va ijodi bilan bog‘liq bo‘lgan hayotiy voqealar, kechinmalar ishtirokchilarni befarq qoldirmadi.Tadbir so‘ngida “Adolatparvar adib” nomli adib hayotiga bag‘ishlangan hujjatli film premyerasi namoyish etildi. Uchrashuv film haqida taassurotlar va mulohazalar bilan yakunlandi.
