Amerika Kengashlarining O‘zbekistondagi mintaqaviy direktori janob Uilyam ORoarkning Jizzax davlat pedagogika institutiga tashrifi

Avvalo ushbu tashkilot bo‘yicha qisqa ma’lumot : AQSh va Markaziy Osiyo universitetlari o‘zaro hamkorligini qo‘llab-quvvatlovchi UniCEN dasturi oliy ta’lim muassasalari o‘rtasida mustaqil xalqaro aloqalar uchun imkoniyatlar yaratadi. UniCEN AQSh oliy ta’lim tizimini amaliy tomondan tushunishga erishish maqsadida Markaziy Osiyo bo‘ylab tanlangan universitetlarni qo‘llab-quvvatlaydi va muvaffaqiyatli hamkorlik uchun sharoit yaratadi. Ana shunday ezgu niyatlarda bugun Jizzax davlat pedagogika institutiga Uilyam ORaork boshchiligidagi delegatsiya tashrif buyurdi.     Do‘stona ruhda bo‘lib o‘tgan ilk uchrashuv avvalida tomonlar muloqoti ma’lumotlar almashunuvi bilan boshlandi. Ta’kidlash joiz bo‘lajak hamkorlar ayni kunlargacha yurtimizdagi 9 ta OTM lari bilan hamkorlik shartnomalarini imzolagan bo‘lib ular bilan doimiy faoliyat yo‘lga qo‘yib olingan. Yaqindan tanishuv, samimiy suhbat tarzda bo‘lib o‘tgan uchrashuv  davomida Jizzax davlat pedagogika instituti rektori Sh.S.Sharipov amerikalik hamkorlar bilan bir loyihada ishlash bizning ta’lim muassasamiz, xususan talaba yoshlarimiz  uchun ham juda ko‘p foydali tomonlari borligini ta’kidlab o‘tdi. Shundan so‘ng mehmonlar institutning Chet tillar fakultetiga tashrif buyurishdi. Fakultet o‘qituvchilari bilan uchrashuv davomida mehmonlar institutda talabalar uchun yaratilgan sharoitlar, o‘quv qo‘llanmalari bilan ham tanishib chiqishdi. Dastlabki uchrashuv kelishuviga ko‘ra har ikkala tomon ham o‘rtaga tashlangan takliflar yuzasidan o‘z fikr mulohazalarini keyingi uchrashuvlarda bildirishga kelishib olindi.