Jizzax davlat pedagogika instituti Axborot- resurs markazi talabalar turar joyi tarmog‘ida zabardast shoirlarimiz Hamid Olimjon va Zulfiyaxonim tavalludiga bag‘ishlab “Hamid Olimjon-baxt va shodlik kuychisi” mavzusida maktabgacha va boshlang‘ich ta’lim fakulteti bilan hamkorlikda tadbir bo‘lib o‘tdi. Tadbirda talabalar turar joyi talabalari hamda maktabgacha va boshlang‘ich ta’lim fakulteti professor-o‘qituvchilari ishtirok etishdi.
Tadbirni maktabgacha va boshlang‘ich ta’lim fakulteti o‘qituvchisi Shukurova H ochib berdi.U o‘z so‘zida shoir Hamid Olimjonning shaxsiy hayoti, ijodiy faoliyati, ijtimoiy-siyosiy hayotdagi katta mavqei hozirgi yoshlar tomonidan zo‘r hurmat va ehtirom bilan xotirlab kelinayotganligini ta’kidladi.
Maktabgacha va boshlang‘ich ta’lim fakulteti o‘qituvchisi Jumanazarova Nargiza o‘z so‘zida Zulfiyaxonim she’rlari xalqimiz qalbidan chuqur joy egallaganligini,uning har bir satri hayotbaxsh kuchga ega ekanligini aytib o‘tdi. Ayniqsa “Baxtim shu-o‘zbekning Zulfiyasiman”she’ri ayollarimiz qalbiga nihoyatda yaqinligi va munisligi bilan ajralib turadi.
Shundan so‘ng tadbir dasturida asosan mushoira kechasiga navbat berildi.
Talaba qizlar tomonidan shoirlarimiz qalamiga mansub go‘zal she’rlar o‘qildi.
ARM xodimasi Usmanova Nargiza tadbir uchun maxsus tayyorlangan adabiyotlar ko‘rgazmasini sharhlab berdi.
Tadbir ishtirokchilari: 86 ta
Tadbirga berilgan adabiyotlar:100 ta
ARM xodimasi Usmanova N
