Markaziy saylov komissiyasining saylov.uz saytidagi interaktiv xizmatlar

Markaziy saylov komissiyasining saylov.uz saytida «Xizmatlar» bo’limi mavjud bo’lib, unda fuqarolar, saylovchilar uchun bir qator qulayliklar yaratilgan. Xizmatlar bo’limida «Saylovchilarning elektron ro’yxatida bormisiz? xizmati», «Saylov uchastkalarining interaktiv haritasi», «MSKga elektron murojaat yuborish», «Doimiy yashash joyida yashovchilar ro’yxatini to’g’rilatish», «Saylov uchastkasini almashtirishga ariza yuborish» kabi xizmatlar mavjud. «Saylovchilarning elektron ro’yxatida bormisiz? xizmati» bandini tanlash (https://saylov.uz/uz/faq/user-polling-station) orqali saylovchi o’z saylov uchastkasini aniqlab olishi mumkin. Bunda saylovchi, fuqaro o’zining pasport seriyasi va raqamini hamda tug’ilgan sanasini kiritish orqali o’zining saylov uchastkasini topishi mumkin. Shuningdek, «Saylov komissiyalari» sahifasi orqali Uchastka saylov komissiyalari (https://saylov.uz/uz/polling-stations) (raqami, manzili, joylashuv xaritasi) haqida ma’lumotga ega bo’lish mumkin.