Dars universitet rektori Maksudjan Yuldashev ishtirokida “Yagona Vatan, yagona xalq bo‘lib, yangi hayot va kelajak yaratamiz!” bosh g‘oyasi asosida o‘tkazildi. Unda O‘zbekiston mustaqilligining tarixiy ahamiyati, mamlakatimizning taraqqiyot yo‘li, bugungi yangilanish va islohotlarning mazmun-mohiyati haqida so‘z yuritildi.

Tadbirda universitetning soha prorektorlari, professor-o‘qituvchilar hamda universitet faxriylari ham ishtirok etib, talabalarga o‘zlarining hayotiy va kasbiy tajribalari, mustaqillik yillarida ta’lim tizimida amalga oshirilgan o‘zgarishlar haqida fikrlarini bildirdilar.

Muloqot davomida yoshlarga mamlakatimizda ta’lim va ilm-fan sohasida yaratilayotgan keng imkoniyatlar, yoshlarning bilim va salohiyatini ro‘yobga chiqarish, ularni qo‘llab-quvvatlash borasidagi islohotlar haqida ma’lumot berildi. Shuningdek, talabalarga Vatanga sadoqat, milliy qadriyatlarga hurmat, faol fuqarolik pozitsiyasi va kelajak oldidagi mas’uliyat tuyg‘usini mustahkamlashning ahamiyati ta’kidlandi.

Dars jarayoni savol-javob va ochiq muloqot ruhida kechib, talabalar o‘zlarini qiziqtirgan savollar bilan murojaat qildilar.