Buyuk rus yozuvchisi Lev Tolstoy 1928 yil 9 sentabrda tug‘ilgan. Jizzax davlat pedagogika universiteti Rus tili va adabiyoti fakulteti “Rus adabiyoti va uni o‘qitish metodikasi” kafedrasi professor-o‘qituvchilari Jizzax viloyati axborot resurslari markazi bilan hamkorlikda buyuk rus yozuvchisi Lev Tolstoyning tavallud kuni va ijodiga bag‘ishlangan tadbir o‘tkazishdi.
Tadbirda “Kazaklar”, “Kreytser sonatasi”, “Iban Ilichning o‘limi”, “Anna Karenina”, “Urush va tinchlik”, “Tirik murda” kabi nasriy asarlari, “Zulmat hokimiyati”, “Ma’rifat mevalari” kabi p’esalari bilan olamshumul shuhrat qozongan, asarlari dunyo tillariga eng ko‘p tarjima qilingan va eng ko‘p nashr etilgan adib hayoti va ijodi haqida talabalarga chuqur va batafsil ma’lumotlar berishdi.
Ta’kidlash joiz Lev Tolstoy Rossiyadagi qadimiy dvoryanlar sulolasidan, bo‘lib Peterburg FA muxbir a’zosi, faxriy akademik u 1844-47 yillarda Qozon universitetining arab-turk va huquqshunoslik fakultetlarida ham o‘qigan. Tolstoy 1855 yilda Peterburgga borib, N.A.Nekrasovning “Sovremennik” (“Zamondosh”) jurnali va jurnal atrofidagi yozuvchilar (I.S.Turgenev, I.A.Goncharov, N.G.Chernishevskiy va b.) bilan hamkorlik qilgan.
Bolalik kezlarida rus va arab xalq ertaklari, A.S.Pushkin she’rlari, shuningdek, Yusuf haqidagi Injil rivoyati ta’sirida she’rlar yozgan. Rus va jahon adabiyoti xazinasidan mustahkam o‘rin olgan “Urush va tinchlik”(1863-69) epopeyasi Lev Tolstoyning 60-yillarda ijodiy kamolotga erishganidan shahodat beradi. Uning 70-yillar ijodida “Anna Karenina” romani alohida mavqega ega. Tadbir davomida talabalar yozuvchining asarlaridan parchalar o‘qish bilan bir qatorda uning hayotiga oid qiziqarli voqealarni ham sahnaviy ko‘rinishlar orqali namoyish etishdi.
