2019 yil 14 may kuni Jizzax davlat pedagogika instituti boshlang‘ich ta’lim fakultetida O‘zbekiston Respublikasi Prezidentining 5 tashabbasi bo‘yicha Jizzax viloyati axborot-kutubxona markazi tomonidan o‘tkazilayotgan «Kitob bu -bilimlar ummoni» haftaligi doirasidagi ijodiy uchrashuv bo‘lib o‘tdi. Ushbu ijodiy uchrashuvda O‘zbekiston yozuvchilar uyushmasidan Nurali Qobil, Tursun Ali, Obiddin Mahmudov, Mehribon Abdurahmonova, O‘ktamxon Xoldorovalar, shuningdek, O‘zbekiston Respublikasi xalq artisti Gavhar Zokirova, Jizzax viloyati axborot-kutubxona markazi direktori Hafiza Qudratovalar ishtirok etishdi. Ushbu ijodiy uchrashuvda ijodkorlarning kitob, uning insonga baxsh etadigan kuchi haqida fikrlari tinglandi, shuningdek, ijodkorlar o‘zlarining chiqishlarini namoyon etishdi. «Farzandnoma» pand-nasihat yo‘lida yozilgan kitobning taqdimoti hamda shu asosida psixologik trening o‘tkazildi. Mazkur ijodiy uchrashuvdan ishtirokchi professor -o‘qituvchilar va talabalar katta ma’naviy ozuqa olishdi.
