Navbatdagi Birinchi kurs maktabi o‘tgan “Orientation week” uchrashuvida institutning Fizika va texnologik ta’lim fakulteti talabalari ishtirok etishdi.
Inson hayotidagi eng quvonchli kunlari albatta talabalik hayoti bilan bog‘liq.
Talabalik yillari… sarguzashtga to‘la o‘sha kunlarni yodga olganimizda ko‘nglimizda chuqur entikish va sog‘inchni his qilamiz. Bugun Jizzax Davlat Pedagogika Oliygohida ko‘zlarida olam –olam quvonch , yangilikkka tashnalik ila oliygoh darvozasidan dadil qadamlar bilan kirib kelayotgan bir guruh talaba yigit qizlarni ko‘rib, siz-u biz his qilgan o‘sha masrur onlar yodimizga keladi.
Institut “Madaniyat saroyida” bo‘lib o‘tgan “Orientation week” ( Birinchi kurs maktabi) tadbirida ana shunday bilimga chanqoq, ko‘nglida ezgu maqsadlar bilan ilm olishga intilayotgan Fizika va texnologik ta’lim fakultetiga qabul qilingan birinchi kurs talabalari taklif etildi.
Tadbirda so‘zga chiqqan institut rektori Sh.S.Sharipov talaba yigit qizlarni talabalik unvoni bilan tabriklash bilan bir qatorda institut faoliyati, ta’lim muassasasida olib borilayotgan yangiliklar, o‘zgarishlar to‘g‘risida ma’lumot berdi.
Haqiqiy talaba albatta yuqori natijalarga erishib iqtidori va turli g‘oyalarini namoyish etishni istaydi. Buning uchun institutda barcha sharoitlar mujassam. Tadbirda so‘zga chiqqa Fizika va texnologik ta’lim fakulteti dekani H.Sodiqov baxtli talaba yoshlarni ustozlar jamoasi bilan tanishtirib o‘tdi. Shuningdek fakultet tarixi uning buguni haqida qisqacha ma’ulumot berdi. Talabalarni institut faoliyati bilan yaqindan tanishtirish tadbiri yakunida talabalar o‘zlarini qiziqtirgan savollar bilan bir qatorda taklif va mulohazalarini ham bildirishdi.
