Universitetning Bog‘ishamol kampusida o‘tkazilgan tadbirda Yaponiyadan tashrif buyurgan mutaxassislar, xorijlik mehmonlar hamda “Nagoya–O‘zbekiston do‘stlik jamiyati”Umida Ashurova rahbari ishtirok etdi.

Tantanali marosimni universitet rektori ochib berdi. U o‘z nutqida yapon va o‘zbek madaniyatlari o‘rtasidagi o‘xshashliklar, shuningdek, universitetda yapon tilini ikkinchi til sifatida o‘qitish yo‘lga qo‘yilganini ta’kidladi. Shu bilan birga, kelgusida xitoy va koreys tillari hamda madaniyat markazlarini tashkil etish rejalashtirilayotgani qayd etildi.

Tadbirda so‘zga chiqqan Umida Ashurova mazkur tashabbusni qo‘llab-quvvatlagan universitet rahbariyatiga minnatdorchilik bildirib, bu markaz ikki mamlakat o‘rtasidagi ta’lim va madaniy aloqalarni yanada mustahkamlashga xizmat qilishini ta’kidladi.

Shuningdek, mehmonlar yangi tashkil etilgan markaz faoliyati bilan yaqindan tanishib, dars xonalari va yapon tilidagi adabiyotlar bilan boyitilgan infratuzilmani ko‘zdan kechirishdi. Ular markaz imkoniyatlariga yuqori baho berib, o‘z ijobiy taassurotlari bilan o‘rtoqlashdilar.

Marosim davomida talabalar tomonidan yapon madaniyatiga xos choy marosimi, milliy raqs va qo‘shiqlar ijro etildi.