Jizzax davlat pedagogika universitetining 50 nafar xodimi ishtirokida 8–9-sentyabr kunlari Samarqand shahriga ma’naviy-ma’rifiy sayohat tashkil etildi.

Ikki kunlik sayohat davomida xodimlar Mirzo Ulug‘bek rasadxonasi, Xo‘ja Doniyor maqbarasi, Maxdumi A’zam ziyoratgohi, Imom al-Buxoriy majmuasi, Registon va Shohi-Zinda majmualari, Hazrati Xizr masjidi, shuningdek, Islom Karimov maqbarasi va uy-muzeyida bo‘lib, mazkur maskanlarning tarixiy-madaniy ahamiyati, buyuk ajdodlarimizning ilmiy-ma’naviy merosi hamda milliy davlatchiligimiz tarixi haqida qimmatli ma’lumotlarga ega bo‘ldilar.

Ma’naviy-ma’rifiy sayohat universitet xodimlarining tarixiy xotirasi va milliy qadriyatlarga hurmatini mustahkamlash, bo‘sh vaqtlarini mazmunli tashkil etish hamda jamoaviy hamjihatlikni kuchaytirishga xizmat qildi. Xodimlar qadimiy Samarqandning boy tarixi va betakror me’moriy obidalaridan katta taassurot oldilar