Oliy va o‘rta maxsus ta’lim vazirligi tashabbusi bilan Jizzax davlat pedagogika institutida interaktiv va innovatsion, zamonaviy SMART auditoriyasi tashkil etildi. SMART auditoriyasini qisqa vaqt ichida aniq va tabiiy fanlarga oid eng so‘nggi rusumdagi ko‘rgazmali qurollar va zamonaviy jihozlar jumladan, 65 dyumli
interaktiv ekran, WI-FI va noutbuk qurilmalari bilan jihozlab, xalqaro andozalarga mos holatga keltirildi.
SMART auditoriyasi tashkil etishdan asosiy maqsad yangi innovatsion loyihalar asosida o‘quv jarayonini tashkil etish, yoshlarni aniq va tabiiy fanlar sohasiga oid eng so‘nggi yangiliklar bilan tanishtirib borish, iqtidorli talabalar bilan ishlash samaradorligini yanada oshirish, kelgusida ushbu auditoriyada eng so‘nggi zamonaviy texnologiyalardan foydalangan holda on-line vebinarlar, davra suhbatlari, xalqaro konferensiyalarni tashkil etishdir.
