Bugun Jizzax o‘rda ekologik bog‘ida viloyat adliya boshqarmasi tomonidan tashkil etilgan adliya saylida tarix fakulteti huquqshunos to‘garagi a’zolariga viloyat prokuraturasi, viloyat ichki ishlar, viloyat bojxona boshqarmasi, viloyat favqullodda vaziyatlar boshqarmasi, viloyat bandlik boshqarmasi, viloyat nuroniylar jamg‘armasi va bir qancha idora va tashkilotlarning faoliyat va maqsadiga oid qabul qilingan normativ huquqiy xujjatlar, amalga oshirilgan ishlar, o‘zgarish va yangiliklar to‘g‘risida batafsil tushunchalar berildi. Ma’lumki so‘nggi yillarda aholining huquqiy ongi va tafakkurini yuksaltirish borasida adliya idoralari tomonidan salmoqli ishlar, aholiga zarur huquqiy tushuntirishlar olib borilmoqda. Bugun tashkil etilgan adliya sayli shunchaki ko‘rgazma uchun emas, balki aholimiz, ayniqsa yoshlarimizning huquqiy ongi va tafakkkurini yuksaltirish, ularning faol fuqarolik pozitsiyalarini namoyon qilish bilan birga, jonajon O‘zbekistonimiz ozod va obod va farovon kelajagi oldida mas’ullik hissi va daxldorligini oshirish borasidagi yirik loyiha desam mubolag‘a bo‘lmaydi deydi viloyat adliya boshqarmasi huquqiy targ‘ibot va ma’rifat bo‘limi boshlig‘i Sayidjon Rahimov. Bugungi kunda murakkab dunyoda avj olib borayotgan turli kuchlar o‘rtasida to‘qnashuv va qarama qarshiliklar, tabiat gultojisi bo‘lgan inson zotiga bo‘layotgan ijtimoiy tarmoqlar orqali bo‘layotgan axborot va siyosiy tahdid va tajovuzlar, davlat va jamiyat taraqiyotiga to‘sqinlik va g‘ov bo‘layotgan korrupsiya, uyushgan jinoyatchilik, diniy ekstremizm va terrorizm balosi xavf xatarlari kuchayib borayotgan bir vaqtda aholimiz ayniqsa yoshlar sergak va ogoh bo‘lib yashash davrimizning talabidir. Chunki bugun yoshlarning ongi va qalbini egallash orqaligina chetdan kelga kuchlar o‘z maqsadlariga erishishlar hech kimga sir emas. Maqsadimiz yoshlarni hayotda o‘zligini anglatish, ularning bo‘sh vaqtlarini mazmunli tashkil etish, jinoyat va huquqbuzarliklarning oldini erta olish, xorijga ketish va ishlash istagida bo‘lgan fuqarolarimizga nafaqat qonuniy qonuniy yo‘llar orqali tushuntirish, balki ularning xorijda o‘z konstitutsiyaviy huquqlaridan foydalana olishiga erishishni ta’minlash deydi viloyat ichki ishlar boshqarmasi mas’ul xodimi Nurali Qurbonov.
To‘garak a’zolari viloyat bandlik boshqarmasi tomonidan bo‘sh ish o‘rinlari yarmarkasidaga vakant o‘rinlar bilan tanishtirilib, ularga bu borada mutassaadi tashkilot vakillari tomonidan mehnat qonunchiligiga oid bilim va ko‘nikmalarga ega bo‘lishdi. To‘garak a’zolari kelgusida viloyat adliya boshqarmasi bilan hamkorlikda kelgusida tegishli reja va chora tadbirlarni belgilab olishdi.
