Qozog‘iston Respublikasining O‘zbekistondagi Bosh konsuli Jizzaxga keldi.

Bugun Qozog‘iston Respublikasining O‘zbekistondagi Bosh konsuli Xasenov Kanat Abdыkarimovich  boshchiligidagi delegatsiya rasmiy tashrif bilan Jizzax viloyatiga keldi. Tashrif davomida bosh konsul K. Xasenov Jizzaxdagi OTM lari rektorlari bilan ham  uchrashdi. Jizzax davlat pedagogika instituti rektori Sharipov Shavkat Safarovich bilan uchrashuv chog‘ida Qozog‘iston respublikasinig O‘zbekistondagi bosh konsuli K. Xasenov  JDPI  Qozog‘iston Respublikasi oliy ta’lim muassasalari bilan yo‘lga qo‘yilgan hamkorlik aloqalari bilan qiziqdi. Shuningdek suhbat chog‘ida  Qozog‘iston Respublikasidan kelib JDPI da taxsil olayotgan talabalar xususida ularga yaratilgan sharoilar haqida ham so‘z bordi. Samimiy suhbat so‘ngida tomonlar ikki davlat o‘rtasidagi hamkorlik aloqalarini yanada mustahkamlash uchun qilinayotgan harakatlar albatta ijobiy samarasini ko‘rsatishini ta’kidlab o‘tishdi.