Faxriy professorlar X.A.To‘raqulov va U.A.Jumanazarovlarning ilmiy-pedagogik faoliyatiga bag‘ishlab o‘tkazilayotgan madaniy-ma’rifiy tadbirni institutning Boshlang‘ich ta’lim fakulteti tomonidan tashkillashtirdi. Tadbirni Yoshlar masalalari va ma’naviy-ma’rifiy ishlar bo‘yicha birinchi prorektor, dotsent S.Nazarqosimov ochib berdi. U o‘z so‘zida ustozlarning faoliyati, oliygohda ustoz-shogird an’analari va ushbu a’nanalarda tadbir sababchilarining mehnatlari yuksak ekanligini, faxriy olimlarning ilmga qo‘shgan ulkan hissalarini alohida  e’tirof etdi. Sahna to‘rida savlat to‘kib o‘tirgan ustozlar sha’niga aytilgan tilaklar, niyatlar va e’tiroflar Professor X.A.To‘raqulov va professor U.A.Jumanazarovlarning  bolalik va talabalik yillari haqidagi suhbatga ulanib ketdi. Tadbir davomida Ustozlarning hayot yo‘llari, Jizzax davlat pedagogika institutidagi faoliyatiga bag‘ishlangan videorolik namoyish etildi.  Ustozlarning kamtarin mehnatlarini ulug‘lash, ularga hurmat ko‘rsatish ma’nosida tashkillashtirilgan tadbir Professor X.A.To‘raqulov va professor U.A.Jumanazarovlarning  ilmiy va pedagogik faoliyati mavzusida savol-javob shaklidagi ochiq muloqot bilan davom etdi. Tadbirga  Boshlang‘ich ta’lim fakulteti tomonidan tashkil etilgan badiiy konsert dasturi yasadi.