Memorandum imzolandi: “Ma’suliyatlar belgilab olindi”, -deydi viloyat prokurori Islom Ergashxodjaev

Bugun A.Qodiriy nomidagi Jizzax davlat pedagogik institutida Jizzax viloyat prokuraturasi hamda viloyatdagi OTM lar o‘rtasida memorandum imzolandi. Tadbirga yig‘ilganlar  dastlab institut hovlisida tashkil qilingan talabalarning ijodiy ishlaridan tashkil topgan ko‘rgazma namoyishida ishtirok etishdi. Ezgu maqsad yo‘lida tashkil etilgan memorandum imzolash marosimida  so‘z olganlar oliy ta’lim muassasalari bilan prokuratura organlarining hamkorlik istiqbollari xususida o‘z fikrlarini bildirib o‘tishdi. Yig‘ilganlar belgilangan chora-tadbirlar bir birma, bandma band tanishish bilan bir qatorda bu borada o‘z takliflarini ham bildrib o‘tishdi. Bildirilgan Fikr mulohazalar va takliflardan  so‘ng  Jizzax davlat pedagogika instituti , Jizzax politexnika instituti , O‘zMU Jizzax filiali  rahbarlari  va viloyat prokutarturasi bilan o‘rtasida  memorandum akti imzolandi. Memorandum imzolash marosimi  bosh prokuror Islom Ergashxodjaev hamda  OTM  rektorlarining  talaba -yoshlar uchrashuvi bilan davom etdi.  Uchrashuvda har uchchala oliygohdan taklif etilganiqtidorli talabalar o‘z fikr mulohazalarini, g‘oyalarini qiziqarli takliflarini bildirishdi. Samimiy ochiq muloqot shaklida bo‘lib o‘tgan uchrashuv so‘ngida talaba yoshlar o‘zlarini qiziqtirgan barcha savollarga javob olishdi.