Xorijlik professorlar Jizzax davlat pedagogika institutida.
Bugun yurtimizdagi ko‘pgina oliy ta’lim muassasalari jaxonning yetakchi o‘quv yurtlari bilan yaqin hamkorlik o‘rnatish, xorijiy professor-o‘qituvchilarni o‘quv jarayoniga jalb etish borasida bir qator maqtovga arzigulik ishlarni amalga oshirmoqda. Jizzax davlat pedagogika instituti ham bu ezgu ishni davom ettirgan holda joriy yilda Rossiya, Fransiya , Chexiya kabi davlatlarning ko‘zga ko‘ringan, nufuzli oliygohlari bilan shartnomalarni imzolashdi.
Ta’lim sifatini oshirish, yangiliklarni joriy qilish, tajriba almashish maqsadida tashkil etilgan bu kabi ishlar o‘z samarasini berishi tabiiy. 23-noyabr Jizzax davlat pedagogika instituti Axborot resurs markazi faollar zalida Chexiya davlati Poloskiy nomidagi universitet hamda Moskva davlat pedagogika universiteti professorlari Nikes Jozyiev, Nadejda Guseva ishtirokidagi mashg‘ulot darslari fikrimizga isbot bo‘la oladi. Fizika– matematika fakulteti o‘qituvchi va talabalari ishtirokida bo‘lib o‘tgan mashg‘ulotlar “Noevklid geometriyalariga kirish” hamda “Geometriya asoslari “ mavzusi muhokamasiga bag‘ishlandi.
Jizzax davlat pedagogika instituti axborot xizmati
