“Maqsadimiz sizni qo‘llab quvvatlash”-deydi universitet rektori Sh.Sharipov – Abdulla Qodiriy nomidagi Jizzax davlat pedagogika universiteti

Bosh sahifa
Yangiliklar
“Maqsadimiz sizni qo‘llab quvvatlash”-deydi universitet rektori Sh.Sharipov

Yangiliklar

16/05/2023

Chop etish

“Maqsadimiz sizni qo‘llab quvvatlash”-deydi universitet rektori Sh.Sharipov

Ayni paytda yurtimizdagi barcha oliy ta’lim muassasalari rahbarlarining e’tibori universitetdagi talabalar bilan yuzma-yuz muloqot qilish, fikr almashish taklif va mulohazalarni tinglash, kezi kelsa har bir talabani qiynayotgan muammoga birgalikda yechim topishga qaratilmoqda.

Davlat rahbarining raisligida yoshlar siyosati sohasidagi ishlar natijadorligini oshirish hamda ular bilan ishlash tizimini yanada takomillashtirish chora-tadbirlari yuzasidan videoselektor yig‘ilishida berilgan topshirig‘iga asosan universitet rektoriga 44 nafar talaba yoshlar biriktirilgan. Bugungi uchrashuv ham talabalarga yanada yaqin bo‘lish ular bilan do‘stona muloqot qilishga imkoniyat yaratib berdi. Bunday yuzma-yuz muloqotlarga o‘rganmagan talabalar dastlab muammolarini ochiq va erkin bayon etishga istihola qilishdi. Universitet rektorining daldasi va bu suhbat “jazo berish” uchun emas, balki ularni qo‘llab-quvvatlash maqsadida tashkil etilganini bayon etgach, vaziyat o‘zgardi.

Suhbat ishtirokchilaridan biri Nihola Matematika va informatika fakultetining 4 kurs talabasi. Nihola ayni paytda oilali uning ikki nafar farzandi bor. Talaba darslarga shaxarga uzoq tumanlarning biridan qatnaydi. Uning birinchi farzandi nogironligi bois ko‘p vaqtlarda darslarga ulgurolmaydi. Ikkinchi farzandini ham yaqindagina dunyoga keltirgan. Suhbat ishtirokchilaridan yana biri Abdulaziz bir necha yillardan beri surunkali shamollash tashhisi bilan kurashib keladi. Tabiiyki darslarga qatnash ham risoladagidek emas. Bunday vaziyatda qanday yo‘l tutmoq kerak? Murojaatlar turlicha, Kimnidir moddiy tomondan qo‘llash lozim bo‘lsa yana kimgadir ma’naviy dastak bo‘lish lozim.

Muammo bor joyda albatta ikki tarafga ham foydali ijobiy yechim topishning o‘zi mushkul ish. Bo‘lib o‘tgan navbatdagi uchrashuvda talabalarga imkon qadar yengillik yaratadigan fikrlar tinglandi. Takliflar qabul qilindi. O‘rni kelganda maslahatlar berildi. Murojaatlar ijobiy hal etildi. Eng muhimi, bugun shu suhbatda ishtirok etgan talaba o‘zining bu oliy dargohga begona emasligini, unga lozim paytda ko‘makka shay, dardiga sherik ustozlar borligini his qildi. Maqsad ham shu edi aslida…

Boshqa rubrikalarda mashhur

Barcha Rubrikalar

Maktabgacha va maktab ta’limi tizimining ilmiy muammolari.

Maktabgacha va maktab ta’limi tizimining ilmiy muammolari pedagogik jarayonni takomillashtirish, ta’lim sifatini oshirish hamda zamonaviy ta’lim talablariga mos ilmiy yechimlarni ishlab chiqishga qaratilgan dolzarb masalalarni...

JDPUda pedagogik mahoratini oshirishga qaratilgan uzluksiz kasbiy rivojlanish o‘quv seminarlarining navbatdagi bosqichi yakunlandi.

Mashhur ekspert-trener, professor Ishmuhammedov Ravshan Jo‘rayevich ishtirokida o‘tkazilgan uch kunlik seminarlarda zamonaviy pedagogik texnologiyalar tinglovchilarga sodda va ta’sirchan usullarda yetkazildi.

JDPUda professor-o‘qituvchilar uchun TOP–300 OTMlar tajribasiga asoslangan o‘quv seminari davom etmoqda.

Jizzax davlat pedagogika universitetida professor-o‘qituvchilar uchun dunyoning TOP–300 oliy ta’lim muassasalari tajribasiga asoslangan o‘quv seminari o‘z ishini davom ettirmoqda.