Jizzax davlat pedagogika universitetida O‘zbekiston Respublikasi Konstitutsiyasi qabul qilinganligining 33-yilligiga bag‘ishlangan tantanali marosim bo‘lib o‘tdi.

Tadbirni universitet o‘quv ishlari bo‘yicha prorektori Haqberdi Hamzayev ochib berdi. Jizzax viloyati prokuraturasi mas’ul xodimi Parviz Azimov Konstitutsiyamizning yangi tahriri va uning ahamiyati haqida ma’ruza qildi.

Tadbir davomida “Yilning eng faol talabasi” Respublika ko‘rik-tanlovining universitet bosqichi g‘oliblari, “Yoshlar korrupsiyaga yo‘q deydi!” mavzusida “Eng yaxshi rasmlar”, “Eng yaxshi insholar” va “Eng yaxshi videoroliklar” tanlovi g‘oliblari, “Konstitutsiya – erkin va farovon hayot garovi” mavzusida ilmiy maqolalar tanlovi hamda talabalari o‘rtasida “Konstitutsiya” olimpiadasi g‘olib va sovrindorlari shuningdek, jamoat ishlarida yuqori natijalarga erishgan professor-o‘qituvchilar faxriy yorliqlar, pul mukofotlari va esdalik sovg‘alari bilan taqdirlandilar. Taqdirlash marosimi universitet prorektorlari va kasaba uyushmasi qo‘mitasi raisi ishtirokida tantanali tarzda o‘tkazildi.

Bosh Qomusimiz 33-yilligi munosabati bilan tashkil etilgan bayram tadbirini Jizzax viloyati bo‘yicha milliy gvardiya xizmatchilari va 25-931-son harbiy qism yigitlarining ko‘rgazmali chiqishlari davom ettirdi. Harbiylar tomonidan taqdim etilgan zavqli va hayajonli lahzalar barcha tomoshabinlar tomonidan samimiy olqishlar bilan kutib olindi.

Bayram tadbirini Tarix fakulteti talabalari ishtirokida O‘zbekiston Respublikasi Konstitutsiyasi haqida badiiy chiqishlari hamda universitet badiiy jamoasi tomonidan tayyorlangan konsert dasturi bilan yakunlandi.