Sizlarni 8-dekabr – O‘zbekiston Respublikasi Konstitutsiyasi kuni bilan chin qalbimdan tabriklayman!

Konstitutsiya – xalqimizning erkinligi, davlatimiz mustaqilligi va farovon kelajagimizning mustahkam poydevoridir. Yangi tahrirdagi Bosh Qomusimizda inson qadri, adolat, demokratik qadriyatlar va fuqarolik jamiyatini rivojlantirishga qaratilgan muhim normalar o‘z ifodasini topdi. Unda O‘zbekistonning suveren, demokratik, huquqiy, ijtimoiy va dunyoviy davlat ekanligi yanada ravshan belgilab qo‘yildi.

Prezidentimiz Shavkat Mirziyoyev ta’kidlaganidek, ta’limni isloh qilish, avvalo, o‘qituvchining obro‘sini yuksaltirishdan boshlanadi. Konstitutsiyaning 41 va 52-moddalari ham ana shu ezgu amalning mantiqiy davomi sifatida ustozlarning mehnatini jamiyat taraqqiyoti va barkamol avlod tarbiyasidagi hal qiluvchi kuch sifatida e’tirof etadi.

Yangi tahriridagi Konstitutsiyada o‘qituvchi va pedagoglarning nufuzi, huquqiy maqomi mustahkam belgilab qo‘yildi. Unda kasbiy faoliyatga aralashmaslik, ustoz sha’ni va mehnatini qonun bilan himoya qilish qat’iy yoritilgan. Bu – jamiyatimizda o‘qituvchiga bo‘lgan yuksak hurmat va e’tiborning amaldagi ifodasidir.

Azizlar! Ta’lim – jamiyat ravnaqining asosi, ustoz esa uning yuragi. Konstitutsiyada pedagog mehnatining qonuniy himoya topgani – kelajak avlod uchun mustahkam kafolatdir.

Shu ulug‘ ayyom munosabati bilan barchangizni yana bir bor chin dildan tabriklayman. Yurtimiz tinch, farzandlarimizning kelajagi yorug‘ bo‘lsin!

Konstitutsiya kuni muborak bo‘lsin!

Hurmat bilan,
Jizzax davlat pedagogika universiteti rektori, professor
Yuldashev Maksudjon Abdullayevich