Prezidentning 2019-yil 6-sentyabrdagi PF-5812-son Farmoni hamda Vazirlar Mahkamasining 2022-yil 11-yanvardagi 17-son qaroriga ko‘ra,  texnikumlarda o‘rta maxsus taʼlim dasturlarini muvaffaqiyatli tamomlagan bitiruvchilar o‘z sohasiga mos bakalavriat taʼlim yo‘nalishlari bo‘yicha kirish imtihonlarisiz yakka tartibdagi suhbat orqali OTMlarda 2-bosqichdan o‘qishini davom ettirish huquqiga ega bo‘lgan edi.

Texnikumni muvaffaqiyatli tamomlaganlar toifasida bo‘lish uchun esa:

texnikumdagi butun o‘qish davrida o‘quv semestrlari yakuniga ko‘ra o‘zlashtirish baholari “5” (aʼlo) va “4” (yaxshi) bo‘lishi;

bunda o‘zlashtirish baholarining kamida 50 foizi (tibbiyot oliy taʼlim muassasalari uchun kamida 85 foizi) “5” (aʼlo) bo‘lishi;

birorta “3” (qoniqarli) bahosi bo‘lmasligi kerak. Bugun Jizzax davlat pedagogika universitetida Maktabgacha taʼlim yo‘nalishini imtiyozli bitirgan bitiruvchilar suhbatlar bo‘lib o‘tmoqda. Bugungi suhbatda 6 nafar texnikumni imtiyozli bitirgan bitiruvchilar ishtirok etishmoqda. Suhbat komissiyasi aʼzolari ishtirokida muhrlangan konvertdagi savollar ochildi va ishtirokchilarning har biriga savollarga tayyorlanish uchun 20 minut vaqt ajratildi.

Eslatib o‘tamiz, OTMga suhbat orqali qabul qilish tartibi texnikumni tamomlagan yildan boshlab ikki yil mobaynida tatbiq etiladi