Jizzax davlat pedagogika instituti qoshidagi  «Izlanish» klubi 30-iyun Yoshlar kuni oldidan 23-iyun kuni institut kutubxonasida Alisher Navoiyning «Mahbub ul qulub» asari badiiy tahliliga bag’ishlangan «Bir asarda ming bir hikmat» mavzusidagi davra suhbatini tashkil qildi.  «Mahbub ul qulub» asarida yoshlar tarbiyasiga oid turli mavzudagi masalalarga alohida to’xtalingan. Shu jumladan «Mudarrislar zikrida», «Nazm gulistonining xushovoz qushlari zikrida», «Maktab ahli zikrida» hamda asarning  turli hikmat va tanbehlar asosida munozaraga boy tarzda ma’rifiy suhbat qurildi. Ushbu Navoiyxonlik davrasiga JDPI kutubxona xodimalari, Milliy tiklanish demokratik partiyasi Jizzax viloyat kengashi Mafkura bo’limi xodimlari ham ishtirok etdilar. Ma’rifiy tadbirning mushoira, «Mahbub ul qulub» asari asosida «Qalbga mahbub hikmatlar va hikoyatlar» mavzusidagi  ishlangan videosahifa bilan ham mazmunli davom etdi. Faol ishtirok etgan  talabalar O’z MTDP viloyat kengashi tomonidan «Tashakkurnoma» bilan taqdirlandilar. Davra suhbati yakunida tashkilotchisi D. Salimova ushbu ma’rifiy tadbirni tashkil etishda ko’mak bergan hamda klub tashabbuslarini qo’llab-quvvatlaganliklari uchun O’zbek tili va adabiyoti fakulteti dekanatiga, institut kutubxna ma’muriyatiga hamda O’zMTDP Jizzax viloyat kengashi rahbariyatiga minnatdorchilik izhor qildi.

«Izlanish» klubi moderatori  ( PhD) dots. v/b Dilnavoz Salimova