«MIRZO ULUGʻBEK VORISLARI» tanlovida qatnashing va oʻz isteʼdodingizni roʻyobga chiqaring!

Isteʼdodli yoshlarni qoʻllab-quvvatlash va “Ulugʻbek” jamgʻarmasi faoliyatini rivojlantirish maqsadida Innovatsion rivojlanish vazirligi, Yoshlar ishlari agentligi, Oliy va oʻrta maxsus taʼlim vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimligi hamkorligida 16-25 yoshgacha boʻlgan yoshlar oʻrtasida iqtidorli yoshlarni kashf qilish uchun “MIRZO ULUGʻBEK VORISLARI” respublika tanlovi eʼlon qilinadi. Tanlovda ishtirok etish istagida boʻlgan yoshlar quyidagi talablarga javob berishi lozim: – Oʻzbekiston Respublikasining fuqarosi boʻlishi; – aniq bir gʻoya yoki loyihaga ega boʻlishi; -IQ test natijasi 110 balldan past boʻlmasligi; – turli tanlovlarda gʻolib boʻlganligi toʻgʻrisidagi diplom, sertifikat yoki tavsiyanomaga ega boʻlishi. Tanlov 3 bosqichdan iborat: 1-bosqich joriy yilning fevral–mart oylarida tuman (shahar)larda; 2-bosqich aprel oyida Qoraqalpogʻiston Respublikasi, viloyatlar va Toshkent shahrida; 3-bosqich may oyida respublika miqyosida oʻtkaziladi. “Mirzo Ulugʻbek vorislari” tanlovida ishtirok etishni istagan yoshlar avval sayt orqali roʻyxatdan oʻtishi va IQ-test topshirishlari lozim. Shuningdek, tanlovda qatnashish uchun @vorislar_tanlovi_bot orqali ham roʻyxatdan oʻtish mumkin.   Ajdodlarimizga munosib voris boʻlishni istagan yoshlarimizni tanlovda ishtirok etishga chorlab qolamiz!   Batafsil maʼlumot www.lex.uz