Jizzax davlat pedagogika universitetida yangi 2026/2027-o‘quv yilini munosib kutib olish, talabalar uchun zarur shart-sharoitlarni yaratish maqsadida universitet fakultetlari, bo‘limlari va tegishli obyektlarida tayyorgarlik holati kompleks o‘rganilmoqda.
Navbatdagi o‘rganish ishlari universitetning Bo‘ston shaharchasida joylashgan sirtqi ta’lim bo‘limi binosida o‘tkazildi. Universitet rahbari va mas’ullar tomonidan o‘quv xonalari, binolarning umumiy holati, talabalar turar joyi hamda ma’naviyat-ma’rifat xonalari ko‘zdan kechirildi.
O‘rganish davomida aniqlangan ayrim kamchilik va takliflar bo‘yicha mas’ullarga tegishli ko‘rsatma hamda tavsiyalar berilib, ularni joyida bartaraf etish choralari belgilandi.
