A. Qodiriy nomidagi Jizzax davlat pedagogika universiteti Aniq fanlar fakultetida Ota-onalar kengashi yig‘ilishi o‘tkazildi.

Yig‘ilish davomida ota-onalar kengashining faoliyati haqida umumiy ma’lumot berildi. Shuningdek, oliy ta’lim muassasalarida talaba yoshlarga grantlarni taqdim etish va ularni qayta taqsimlash tartibiga oid buyruq, nizom hamda ko‘rsatmalar bilan ishtirokchilar tanishtirildi.

Tadbirda talabalar o‘rtasida jinoyatchilik va huquqbuzarlikning oldini olish, ta’lim-tarbiya jarayonida ota-onalar hamkorligini kuchaytirish masalalari muhokama qilindi. Shu bilan birga, bitiruvchi yoshlarni ish bilan ta’minlash, ularni mehnat bozoriga tayyorlashga qaratilgan chora-tadbirlar yuzasidan ham fikr almashildi.

Yig‘ilish yakunida ota-onalar va pedagoglar o‘zaro hamkorlikni yanada samarali yo‘lga qo‘yish, talaba yoshlarni ma’naviy va ma’rifiy jihatdan qo‘llab-quvvatlash yuzasidan kelishib oldilar.