Jizzax shahridagi Abdulla Qodiriy nomidagi Jizzax davlat pedagogika universiteti va Jizzax viloyati, Sharof Rashidov tumanida joylashgan 25931-harbiy qism o‘rtasida hamkorlik memorandumi imzolandi.

Memorandumning asosiy maqsadi – talabalarning chaqiriqqacha harbiy tayyorgarlik ko‘nikmalarini shakllantirish, harbiy fanlar va amaliyotlar bo‘yicha ta’lim jarayonini rivojlantirish hamda professional kadrlar tayyorlashdir.

Hamkorlik doirasida harbiy qismda o‘quv mashg‘ulotlari, ko‘rgazmali va amaliyot seminarlari, shuningdek, o‘quv jarayonida xavfsizlik qoidalariga qat’iy rioya qilinishi ta’minlanadi. Shuningdek, professor-o‘qituvchilar va harbiy xizmatchilar birgalikda ma’naviy-ma’rifiy tadbirlar va tanlovlar o‘tkazishadi, talabalarning kasbiy va shaxsiy rivojlanishi qo‘llab-quvvatlanadi.