Skip to main content

Ishonch telefoni: +(99872) 226 68 10

3+1 qo'shma ta'lim dasturi

Belarus davlat pedagogika universiteti bilan qo'shma ta'lim dasturiga marhamat!

Konstitutsiya asosiy qonunimiz!

8-dekabr — O‘zbekiston Respublikasi Konstitutsiyasi kuni

Yuksak vatanparvarlik tuyg‘usi aks etgan qasida!

10-dekabr — O‘zbekiston Respublikasi Davlat madhiyasi qabul qilingan kun

Yangi yil — yangi marralar sari imkoniyat!

Kirib kelayotgan yangi 2024-yilingiz muborak bo’lsin!

Xotira muqaddas – inson qadri aziz!

9-may — Xotira va qadrlash kuni

JDPU 50 yoshda!

Jizzax davlat pedagogika universitetining 50 yoshlik yubileyi muborak bo‘lsin!

Fanlar akademiyasi Fizika-texnika instituti va Jizzax davlat pedagogika instituti hamkorligi davom-etmoqda

Joriy yilning 14-15 iyun kunlari O‘zR FA Fizika-texnika instituti (FTI) direktori, professor Xusniddin Olimov Abdulla Qodiriy nomidagi Jizzax davlat pedagogika institutida (JDPI) hizmat safarida bo‘ldi. Xusniddin Olimov mazkur institutning fizika va texnologik ta’lim fakultetida fizika va astronomiya bakalavriat ta’lim yo‘nalishi bo‘yicha yakuniy davlat attestatsiya hay’at raisi sifatida qatnashdi. Shuningdek Fizika-texnika instituti direktori institutning fizika ta’lim yo‘nalishi bo‘yicha tahsil olayotgan 1 va 3 kurs talabalariga “Hozirgi zamon fizikasining dolzarb muammolari” mavzusida bir yarim soatlik seminar-ma’ruza o‘tkazdi.Interaktiv tarzda o‘tgan ma’ruza talabalarda katta qiziqish uyg‘otdi, talabalar tomonidan ko‘plab savollar berildi, barcha savollarga ma’ruzachi batafsil javob berdi. Ayniqsa, Olamning yaratilishiga olib kelgan “Katta portlashdan” bir necha mikrosekunddan keyin vujudga kelgan kvark-glyuon plazma holatidagi o‘ta issiq va zich materiya, uning temperaturasi Quyosh markazidagi temperaturadan tahminan yuz ming barobar ortiq bo‘lishi to‘g‘risida ma’ruza paytida berilgan ma’lumot talabalarda katta qiziqish uyg‘otdi. Katta adron kollayderidagi (SERN, Shveysariya) rekord darajasidagi yuqori energiyali og‘ir qo‘rg‘oshin ionlari to‘qnashuvlarida hosil bo‘lgan o‘ta zich va issiq materiya, shu jumladan kvark-glyuon plazma, xossalarini batafsil o‘rganish hamda mukammal kuchli o‘zaro ta’sir nazariyasini yaratish hozirgi zamon fizikasining eng dolzarb muammolari qatorida bo‘lganligi ma’ruzada ta’kidlab o‘tildi. Mazkur tadbir O‘zbekiston Respublikasi Prezidentining 2021 yil 19 martdagi “Fizika sohasidagi ta’lim sifatini oshirish va ilmiy tadqiqotlarni rivojlantirish chora-tadbirlari to‘g‘risida”gi PQ-5032-sonli qarorida fan va ta’lim integratsiyasiga oid belgilangan vazifalar ijrosini ta’minlash maqsadida amalga oshirildi. Fanlar akademiyasi Fizika-texnika instituti hamda Jizzax davlat pedagogika instituti o‘rtasidagi yadro va elementar zarrachalar fizikasi, jumladan yuqori energiyalar fizikasi sohasidagi qo‘shma ilmiy tadqiqotlar hamda bakalavr va magistrlarni tayyorlash bo‘yicha yaqin hamkorlik 2003 yildan boshlangan bo‘lib, hozirgi kungacha muvaffaqiyatli davom etmoqda. Fanlar akademiyasi ilmiy tadqiqot instituti hamda oliy ta’lim muassasasi ushbu sermahsul hamkorligi natijasida, yuqori energiyalar fizikasi sohasida 50dan ortiq qo‘shma ilmiy maqolalar va tezislar chop etildi, JDPIning fizika yo‘nalishidagi 30dan ortiq bakalavr hamda magistrlik dissertatsiyalariga muvaffaqiyatli ilmiy rahbarlik qilindi.