Kengash yig‘ilishini fakultet ma’naviy marifiy ishlar bo‘yicha dekan o‘rinbosari J.Majidov ochib berdi va boshqarib bordi. U o‘z so‘zida mazkur yig‘ilishni tashkil etishning maqsad va vazifalari hususida to‘xtalib, joriy 2017-yilni yilni Prezidentimiz tomondan “Xalq bilan muloqot va inson manfaatlari” yili deb nomlanishi, qolaversa ta’lim muassasi va oila hamkorligi doirasida maqsadli hamkorlikni yo‘lga qo‘yishning istiqbollari hususida to‘xtalib o‘tdi va institut ma’naviy-ma’rifiy ishlar bo‘yicha prorektori F.Axmedovga so`z berdi.
F.Axmedov o‘z so‘zida mazkur fakultetning institutimizda alohida o‘rni borligi, institut, viloyat, qolaversa Respublika miqyosidagi tadbirlarda fakultet professor-o‘qituvchilari va talabalari faol qatnashib kelayorgani xususida to‘xtalib o‘tdi. Shuningdek U institutimizda yo‘lga qo‘yilgan ota-onalar Kengashi xususida to‘xtalib, talabalarning institut ichki tartib-qoidalariga amal qilishida yuzaga kelayotgan muammolar, talabalar kiyinish madaniyati, davomati, yurish-turishi, yashash sharoitlari, talabalarning bo‘sh vaqtlarini mazmunli tashkil etish jarayonida ota-onalar tomonidan o‘z farzandini nazorat qilishi, ularning fanlarni o‘zlashtirishdagi holati (davomat), kiyinishi,yashash-sharoitini yaqindan bilib, nazorat qilishi negizida yuzaga kelishi mumkin bo‘lgan muammolarni bartaraf etishda hamkorlikdagi faoliyat juda zarur ekanligini ta’kidlab o‘tdi.
Shundan so`ng Fakultet dekani p.f.n.N. Kushvaktovga so`z navbati berildi. U o‘z so‘zida hozirgi axborot oqimi kuchli rivojlangan,ommaviy madaniyat taxdidi kuchaygan davrda, zararli ta’sirlarning talabalar hayotiga kirib kelmasligi, hushyorlikni saqlash, talabalarning bo‘sh vaqtlarini mazmunli tashkil etish, talabalar davomatini yaxshilash, ularning belgilangan tartib-qoidalarga amal qilishini nazorat qilib borishda fakultetimizda faoliyat yuritayotgan ota-onalar Kengashining o‘rni muhimligini ta’kidlab o‘tdi. Shuningdek U har bir ota-ona o‘z farzandining ta’lim-tarbiyasiga shaxsan mas’ul ekanligi va o‘z farzandlarini nazorat qilib borish jarayonida ularning ustoz-murabbiylari bilan muloqot qilib borishlari lozimligini aytib o‘tdi.
Respublika “Oila ilmiy-amaliy markazi” Jizzax viloyat bo‘limi raisi F.Sattarova “Farzand tarbiyasida ota-onaning burchi va mas’uliyati” mavzusida ma’ruza qildi. U o‘z ma’ruzasida ota-onalarning farzand tarbiyasi borasidagi ayrim kamchiliklar xususida to‘xtalib, ota-onalarning o‘z farzandini nazorat qilish borasidagi tushunchalari faqatgina ularning qornini to‘ydirib, ustuni but qilish bilan tugallanmasligi, ularning yurish turishi, kiyinishi, nima ishlar bilan band bo‘layotgani, nimani o‘ylayotganini, nimani xohlayotganini bilishini unutub qo‘ymaslik kerakligi xususida tanqidiy fikrlar bildirib o‘tdi. Shuningdek U erta turmush qurishning salbiy oqibatlari hususida to‘xtalib, ajralishlarning aksariyati aynan hali turmush hayotiga yetarlicha tayyor bo‘lmagan yoshlarni nikoh rishtasi bilan bog‘lab qo‘yish oqibatida yuzaga kelayotganini aytib o‘tdi va qizlarning kiyinish madaniyatidagi ayrim salbiy halatlarni ham qo‘shimcha qildi.
Kengash yig‘ilishida so‘z olgan fakultet o‘quv-tarbiyaviy ishlar bo‘yicha dekan o‘rinbosari D.Yunusov ota – onalarni o‘z farzandalarini ta’lim jarayonidagi ishtiroki qanday kechayotganini bilib borishi, ularning davomati qanday, ular nimalar bilan band, qanday va qayerda yashamoqda degan savollarga javob topib borish negizida ularni doima nazorat qilishni unutmaslikka chaqirdi.
Shundan so‘ng o‘qish va jamoat ishlarida faol ishtirok etib kelayotgan talabalarning ota-onalariga inistitut rahbariyati va fakultet jamoasi nomidan “Tashakkur” nomalar va estalik sovg‘alar topshirildi.
Yig‘ilish yakunida fakultet talabalari tomonidan tayyorlangan badiiy –musiqiy dastur havola etildi.
Musiqiy dasturdan so‘ng guruh rahbarlari(murabbiylar) ota-onalar bilan yana ayrim masalalar yuzasidan fikrlar almashdilar.
