Jizzax davlat pedagogika universitetida navbatdagi ishchi yig‘ilish bo‘lib o‘tdi. Yig‘ilishni prorektor F.Akchayev olib bordi.

Dastlab yig‘ilishda korrupsiyaning oldini olish, uning salbiy oqibatlari va universitetda shaffof muhitni ta’minlash masalalari muhokama qilindi. Shu munosabat bilan universitetning korrupsiyaga qarshi kurashish va “Komplayens nazorati” bo‘limi hisoboti tinglandi.

Yig‘ilishda fakultet va kafedralar faoliyati samaradorligini oshirish, talabalar bandligini ta’minlash, “Kelajakka qadam” dasturi doirasida arizalar qabul jarayonini nazorat qilish, talaba-o‘qituvchilar ishtirokidagi turli tanlov va sport musobaqalarini faollashtirish kabi muhim yo‘nalishlar bo‘yicha vazifalar belgilandi.

Shuningdek, ijtimoiy himoyaga muhtoj shaxslar haqida ma’lumotlar jadvalini yangilash, ingliz tili kurslarida professor-o‘qituvchilar ishtiroki va talabalarning to‘lov-kontrakt mablag‘lari bo‘yicha ishlar ijrosi muhokama qilindi.

Yig‘ilish yakunida belgilangan vazifalarning bajarilishini ta’minlash bo‘yicha mas’ullarga tegishli topshiriqlar berildi.